Javën e kaluar, presidenti francez, Emanuel Macron, paralajmëroi në Universitetin e Sorbonës, se "Europa mund të vdesë" dhe kërkoi që Europa "imponojë respekt". Tani Macron kërkon një debat për rolin e armëve bërthamore në mbrojtjen europiane. Në një intervistë për grupin mediatik "Ebra" Macron theksoi, se dëshiron të hapë debatin "që përfshin mbrojtjen raketore, kapacitetet e raketave me rreze të gjatë veprimi dhe armët bërthamore për ata që i kanë apo që në tokën e tyre kanë armë bërthamore evropiane". Macron tha: "le t'i hapim të gjitha opsionet në tavolinë dhe të shohim, se çfarë na mbron vërtet". Franca është e gatshme të bëjë më shumë për mbrojtjen europiane, ka thënë Macron. Që nga Brexit, Franca është në fakt e vetmja fuqi bërthamore në Bashkimin Europian.