Përmbytje të fuqishme dhe të menjëhershme kanë kthyer rrugët në lumenj të tërbuar në Itali ndërsa një stuhi masive po godet evropën. Pamjet tronditëse tregonin makina që lundronin si varka në rrugët e përmbytura në Chiavari, në Itali. Uji përfshiu shpejt qytetin me banorët që u panë duke ecur me vështirësi në rrugët e përmbytura. Meteorologët raportuan se një total prej 126 mm shi ra në Chiavari, i cili ndodhet rreth 40 km në lindje të Xhenovas. Një paralajmërim për përmbytje u lëshua të enjten për rajonin e Ligurias, i cili përfshin Xhenovan dhe Chiavarin. Rreziku i përmbytjeve vazhdoi edhe të premten. Ndërkohë, 250 persona u evakuuan nga një kamping buzë lumit në Bergamo. Ekipet e emergjencave u angazhuan pasi një masë balte dhe shkëmbinjsh rrëshkiti mbi shpat dhe niveli i lumit u rrit shpejt. Ekspertët kanë paralajmëruar se Evropa do të përballet me stuhi të fuqishme, të cilat tashmë kanë filluar të shkaktojnë dëme. Majorka, në spanjë u vu në gatishmëri të lartë të enjten, ndërsa zyrtarët paralajmëruan për "masa paraprake ekstreme" që duhen marrë kundër stuhisë së pritshme. Një paralajmërim urgjent për motin u lëshua, ndërsa stuhitë tropikale pritej të godisnin Ishujt Baleare. Rrufetë nuk u ndalën gjatë gjithë natës ndërsa shiu përmbysi rrugët dhe pemët u shkulën me rrënjë nga era e fortë.