Franca, Spanja, Greqia dhe Turqia po luftojnë me zjarret në pyje, ndërsa një valë e re nxehtësie sjell temperatura rekord që tejkalojnë 42 gradë Celsius. Në Francë, rreth 1,400 zjarrfikës u vendosën të shtunën në rajonin jugor Aude të Francës për të parandaluar rindezjen e zjarrit më të madh të vendit në dekada, pasi të gjithë banorët u lejuan të ktheheshin në shtëpitë e tyre. Prefekti i rajonit tha se zjarri është vënë nën kontroll që nga e enjtja, pasi dogji më shumë se 160 kilometra katrorë këtë javë në rajonin e pyllëzuar, i njohur për verën. Zjarret atje i morën jetën një personi dhe plagosën 25 të tjerë, mes të cilëve 19 zjarrfikës. Temperaturat e larta në ditët në vijim pritet të ndërlikojnë përpjekjet e zjarrfikësve. Agjencia kombëtare e motit Meteo France e vendosi gjysmën jugore të Francës nën alarm të lartë për valën e të nxehtit, me temperatura mbi 39 gradë celcius në rajon.