Disa vende evropiane kanë rikthyer ose zgjeruar shërbimin e detyrueshëm ushtarak mes kërcënimit në rritje të Moskës, pjesë e një sërë politikash që synojnë forcimin e mbrojtjes e që ka të ngjarë të shkojë edhe më tej.Rreziqet për një luftë më të madhe në Evropë janë rritur pasi presidenti rus Vladimir Putin nisi luftën në Ukrainë, duke ndjekur synimin e tij për të “rikrijuar perandorinë sovjetike”, tha gjenerali Ëesley Clark, i cili ka shërbyer si Komandanti Suprem i forcave të NATO-s në Evropë.“Pra, tani kemi një luftë në Evropë që nuk e kishim menduar kurrë se do ta shihnim”, tha Clark, i cili udhëhoqi forcat e NATO-s gjatë Luftës së Kosovës. “Është e paqartë nëse kjo është një luftë e re e ftohtë apo një luftë e nxehtë në zhvillim”, vazhdoi ai, por “është një paralajmërim shumë i fortë për NATO-n, se ajo duhet të rindërtojë mbrojtjen e saj”. E këto përpjekje përfshijnë edhe rekrutimin, thotë ai. Një numër vendesh evropiane e ndaluan rekrutim të detyrueshëm pas përfundimit të Luftës së Ftohtë, por disa vende – veçanërisht në Skandinavi dhe Baltik – e kanë rikthyer atë vitet e fundit, kryesisht për shkak të kërcënimit rus. Evitimi i shërbimit ushtarak mund të cojë në gjoba apo edhe burg në disa vende. Letonia është më e fundit që ka kthyer rekrutim. Shërbimi i detyrueshëm ushtarak u rikthye në 1 janar të këtij viti, pasi u shfuqizua në 2006. Të gjithë meshkujt do të thirren brenda 12 muajve nga mbushja e moshës 18 vjeç, ose nga diplomimi, për ata që janë ende në sistemin arsimor.