Gjermania, Franca dhe Britania janë të gatshme të zhvillojnë bisedime të menjëhershme me Iranin mbi programin bërthamor të Teheranit në një përpjekje për të shtensionuar situatën në Lindjen e Mesme, tha Ministri i Jashtëm gjerman Johann Ëadephul. Ky i fundit, i cili është në një vizitë në Lindjen e Mesme, tha se po përpiqej të kontribuonte drejt një shtensionimi të konfliktit midis Izraelit dhe Iranit, duke vënë në dukje se Teherani më parë nuk kishte arritur të shfrytëzonte mundësinë e bisedimeve konstruktive. "Shpresoj se kjo është ende e mundur," tha Ëadephul për transmetuesin publik gjerman ARD vonë të shtunën. "Gjermania, së bashku me Francën dhe Britaninë, janë të gatshme. Ne po i ofrojmë Iranit negociata të menjëhershme në lidhje me programin bërthamor, shpresoj që (oferta) të pranohet." "Ky është gjithashtu një parakusht kyç për arritjen e qetësimit të këtij konflikti, që Irani të mos paraqesë rrezik për rajonin, për shtetin e Izraelit apo për Evropën." Ëadephul, i cili është në Oman, tha se konflikti do të përfundojë vetëm kur të ushtrohet ndikim mbi Iranin dhe Izraelin nga të gjitha anët. "Ekziston një pritshmëri e përbashkët që brenda javës së ardhshme, të bëhet një përpjekje serioze nga të dyja palët për të ndërprerë spiralen e dhunës", tha ai.