Në disa vende evropiane, njerëzit nuk e kanë pritur mirë rivendosjen e masave kufizuese nga autoritetet, në përpjekje për të vënë nën kontroll rritjen e infeksioneve me koronavirus pas shfaqejes së variantit shqetësues “Omicron”. Qeveria holandeze ishte e para që vendosi një izolim të ri mbarëkombëtar duke filluar nga e diela. Kryeministri në detyrë, Mark Rutte tha se të gjitha dyqanet, lokalet dhe restorantet jo thelbësore në Holandë do të mbyllen deri më 14 janar. Ky vendim që shkaktoi një zhgënjim tek qytetarët, ndalon gjithashtu edhe mbledhjen e shumë njerëzve gjatë festave të fundvitit. Mijëra protestues paqësorë demonstruan në qendër të Brukselit këtë të dielë, për të tretën herë. Forca të shumta policie u vendosën në rrugë në pritje të turmave, duke pasur parasysh se protestat e mëparshme kishin përfunduar në dhunë. Protesta e Brukselit vjen një ditë pas protestave në kryeqytete të tjera europiane, përfshirë Parisin dhe Londrën. Në janar në Francë do të kërkohet certifikata e vaksnimit që njerëzit të kenë mundësi të futen në vende publike, ndërsa qeveria shpreson se kjo masë do të bindë më shumë