Komisioni Evropian propozoi të martën një hua të re të përbashkët të BE-së prej 150 miliardë eurosh për t'i dhënë hua qeverive të BE-së për mbrojtjem, si pjesë e një përpjekjeje totale prej 800 miliardë eurosh për të rritur aftësitë mbrojtëse të Evropës. 150 miliardë eurot e huamarrjes së re të përbashkët do të shkojnë për ndërtimin e kapaciteteve pan-evropiane si mbrojtja ajrore dhe raketore, sistemet e artilerisë, raketat dhe municionet, dronët dhe sistemet anti-drone ose për të adresuar nevoja të tjera që variojnë nga kibernetika e deri tek lëvizshmëria ushtarake, tha Komisioni. "Kjo do të ndihmojë Shtetet Anëtare të bashkojnë kërkesën dhe të blejnë së bashku. Kjo do të reduktojë kostot, do të reduktojë fragmentimin, do të rrisë ndërveprueshmërinë dhe do të forcojë bazën tonë industriale të mbrojtjes," tha presidentja e Komisionit Ursula von der Leyen.