Kreu I grupit parlamentar të PArtisë DEmokratike, Gazment Bardhi, ka reaguar pas deklaratës së kryeministrit Edi Rama, gjatë një takimi të bërë këtë të martë me biznesin. Referuar deklaratës së numirt një të qeverisë se është në dijeni të evazionit fiscal ndër ndërtuesit, Bardhi ka kërkuar veprimin e SPAK. “Edi Rama ka bërë sot një deklarim të vlefshëm për SPAK-un. Kryeministri e di që në biznesin e ndërtimit ka evazion fiskal dhe jo vetëm e ka lejuar të ndodhë, por ka bashkëpunuar për rritjen e evazionit duke u dhënë leje të reja ndërtuesve që fshehin të ardhurat.”, shkruan ndër të tjera Bardhi. Sipas kreut të grupit të PD, ata që kryejë evasion fiscal janë ndërtuesit pranë tij, teksa thekson se “është koha që SPAK ta marrë seriozisht hetimin e kryeministrit për shpërdorim detyre përmes lejimit me mosveprim të evazionit fiskal”. Kryeministri Edi Rama gjatë takimit u shpreh se nuk mund të lejohet më që ndërtuesit të shesin banesa me 2 mijë deri në 6 mijë euro meter katror, e të deklarojnë çmime larg të vërtetës.