Punëtorët në centralin bërthamor të Fukushimës në Japoni u evakuuan më herët të mërkurën, pasi paralajmërimet për cunami gjëmuan në të gjithë vendin. Operatori i centralit tha se të 4,000 punëtorët e tij ishin evakuuar, duke shtuar se nuk kishte "anomali" të zbuluara për momentin. Kjo vjen pasi një tërmet masiv me magnitudë 8.7 goditi bregun lindor të Rusisë, duke ndezur paralajmërimet në të gjithë Paqësorin. Për shumë njerëz në prefekturën e Fukushimës, paralajmërimi ka të ngjarë të sjellë kujtime të një prej katastrofave më të rënda bërthamore që ka parë bota. Në mars të vitit 2011, Japonia u godit nga një tërmet shkatërrues me magnitudë 9.0 dhe cunami pasues që vrau më shumë se 18,000 njerëz. Cunami përmbyti centralin, duke çaktivizuar gjeneratorët e tij të emergjencës dhe duke shkaktuar mbinxehjen e tyre, cka edhe coi në një shkrirje bërthamore.