Frika e një lufte bërthamore me Rusinë po dynd europianët drejt farmacive për të blerë iodio radioaktiv, që sipas studimeve të instituteve mjekësore redukton rrezikun e kancerit në tiroide në raste të ndotjes radioactive. Farmacitë në të gjithë vendet e BE-së thonë se kanë parë një rritje të kërkesës që kur presidenti rus Vladimir Putin urdhëroi forcat e parandalimit bërthamor në gatishmëri të lartë dhe luftimet shpërthyen në vendet e dy prej centraleve bërthamore të Ukrainës, Çernobilit dhe Zaporizhias. Ekspertët e mjekësisë bërthamore thonë se pilulat duhet të merren vetëm me udhëzimin e ekspertëve të shëndetit publik. E njëjta raportohet edhe në Finlandë, Holandë, Poloni dhe vendet Balltike, me rritje të kërkesës që nga fillimi i luftës. Në vitin 2011, autoritetet japoneze rekomanduan që njerëzit përreth vendit të centralit bërthamor të dëmtuar të Fukushimës të merrnin jod, megjithatë këshilla kryesore për të gjithë qytetarët është evakuimi në një distancë të sigurt nga epiqendra e shpërthimit bërthamor.