Pas përmbytjeve të rënda prej ditësh, Polonia ka shpallur të hënën gjendjen e katastrofës për zonat e përmbytura. Gjendja e katastrofës vlen edhe për pjesë të Silezisë së Poshtme, Silezisë dhe Opoles. Sipas qeverisë së Varshavës, uji ka përmbytur rrugë të tëra dhe janë dashur evakuuimi I spitaleve. Kryeministri polak, Donald Tusk premtoi ndihma 240 milionë euro për zonat e përmbytura. Edhe Austria ka rritur ndihmat për zonat e katastrofës në vlerë 300 milionë euro, ndimë që mund të rritet në rast nevoje. Përveç Polonisë, nga përmbytjet janë prekur pjesë të Austrisë, të Rumanisë dhe Republikës Çeke. Të hënën numri i të vdekurve në të katër vendet shkoi në të paktën 18 vetë, ndërsa shumë të tjerë konsiderohen të humbur. Pjesë të tëra të zonës së madhe të katastrofës, janë ende nën ujë. Uji vijon të jetë në 3 metra thellësi në zona të ndryshme, rrugët dhe fushat janë përmbytur, bodrumet, shtëpitë, ndërsa digat dhe pritat janë shkatërruar pjesërisht. Teksa situata vijon të jetë e njëjtë, meteorologët kanë parashikuar sërish reshje në ditët në vijim.