Dënimi me dy vite burg ia pamundëson Fredi Belerit ushtrimin e funksionit të eurodeputetit. Vendimi i formës së prerë dhënë nga Gjykata e Posaçme shqiptare e Apelit "vulosi” qëndrimin në qeli të Belerit deri në tetor, çka nënkupton se ai nuk do të mund të marrë pjesë në seancën e parë plenare të mbajtur në Strazburg në muajin korrik, qytet ku ai s'mund të betohet si eurodeputet por ku ka paditur Shqipërinë në Gjykatën Europiane të të Drejtave të Njeriut, lajm të cilin e ka njoftuar mënjehërë pas vendimit të Apelit. Ekspertë të ndryshëm thanë për DeutscheËelle, se Beleri do e ketë të pamundur të ushtrojë funksionin nëse do të vijojë të qëndrojë në qeli. “Një eurodeputet në mungesë dhe i dënuar nuk ka thuajse asnjë shans që t'i jepet ndonjë rol apo post domethënës deri në lirimin e tij. Prandaj, në rastin më të mirë ai do të informohet në mënyrë joformale për zhvillimet brenda Parlamentit Europian dhe vetëm pasi të ketë përfunduar dënimin do të mund të ushtrojë siç duhet mandatin e tij – në pikën kur Parlamenti do të jetë në agjendën normale të funksionimit…”, tha Mechtild Roos, lektore e Universitetit të Augsburgut në Gjermani. Zgjedhja e Belerit sipas profesorit Nikolaos Tzifakis uë bë pasi: " Greqia nuk mund të ndikonte në procedurat gjyqësore në Shqipëri, populli grek ishte në gjendje të jepte mbështetjen e tij morale për Belerin dhe kauzën e tij. Sipas ekspertëve, Beleri nuk është çështja e vetme që ka sjellë krisje në marrëdhëniet mes Greqisë dhe Shqipërisë, pasi në mes është dhe ajo e kufirit detar që ka ngelur në vend dhe nuk po bën progress.