Forcimi i pashembullt i lekut karshi euros nuk është produkt i rritjes së fuqisë ekonomike të Shqipërisë, por i fluksit të lartë të monedhës europiane që hyn në vend, ku deri në 25 për qind e saj hyn dhe qarkullon jashtë sistemit bankar. Një studim i qendrës Altax ka analizuar kursin e këmbimit nga viti 2023 deri ën vitin 2025. Duke iu referuar shifrave zyrtare të informalitetit në vend, qendra thotë se në pjesën e errët të ekonomisë qarkullojnë çdo vit 6 deri në 7 miliardë euro. Ky volum i madh parash jashtë kontrollit monetary ushtron presion të fortë mbi kursin e këmbimit, duke krijuar vazhdimisht tepricë të fortë të euroës në treg edhe jashtë sezoneve ku është theksuar ky fenomen, si vera apo festat e fundvitit, që përkojnë me kthimin e emigrantëve në Shqipëri. Por, zhvlerësimi i euros edhe në muajt e pranverës, apo verës, sipas studimit, nuk është produkt as i zhvillimit ekonomik të vendit dhe as i remitancave të emigrantëve. Alibia e parë rrëzohet nga rënia e përgjithshme e eksporteve, ndërsa e dyta nga shifrat dhe vlerësimet zyrtare që tregojnë rënie të remitancave.