‘Ende nuk e kam humbur shpresën’. Kështu shprehet kryebashkiaku i Tiranës, Erion Veliaj, në një letër të shkruar nga paraburgimi, e cila është publikuar nga media europiane EU Reporter. Në shkrimin e saj, media i kushton vëmendje çështjes së Veliajt, i cili ndodhet në paraburgim prej shkurtit 2025, ndërsa vijon të mbajë formalisht detyrën e kryetarit të Bashkisë së Tiranës. Në fokus të shkrimit është edhe seanca e 15 shtatorit në Gjykatën e Lartë, ku pritet të shqyrtohet çështja e vijimit të paraburgimit të tij, pas vendimit të Gjykatës Kushtetuese që anuloi vendimin e mëparshëm të Gjykatës së Lartë dhe kërkoi rishqyrtimin e masës së sigurisë. Në letrën e datës 8 shtator, Veliaj thotë se kanë kaluar 19 muaj që prej ndalimit të tij dhe e cilëson situatën si një ‘persekutim politik’. Media europiane thekson se Gjykata Kushtetuese ka marrë dy vendime në favor të Veliajt. Në letrën e tij, Veliaj e lidh situatën me qytetarët e Tiranës, duke argumentuar se zgjatja e paraburgimit të drejtën e qytetarëve për t’u shërbyer nga kryebashkiaku që kanë zgjedhur. ‘Dënim pa urdhët gjykate, njësoj si miku im Imamoglu në Stamboll’, shkruan Veliaj, duke iu referuar kryebashkiakut të Stambollit dhe liderit të opozitës turke. Në fund të shkrimit, “EU Reporter” i referohet edhe reagimeve të organizatave europiane, të cilat kanë shprehur shqetësim mbi përdorimin e paraburgimit ndaj figurave politike dhe kanë kërkuar respektimin e prezumimit të pafajësisë dhe parimit të proporcionalitetit.