Shefi i shtabit madhor dhe zëvendësministri rus i mbrojtjes, Valeri Gerasimov, i vrarë në një sulm të forcave ukrainase që një ditë më parë në Krime kanë goditur një post komande të forcave ruse, afër Sevastopolit dhe një njësi ushtarake afër Eupatorias...Zërat e shpërndarë në profile në X dhe Telegram, që prej muajsh monitorojnë luftën mes rusisë dhe ukrainës, pyesin se ku është Gerasimov, pas sulmit, ndërkohë që ato janë amplifikuar nga e përjavshmja amerikane Neësëeek dhe nga agjencia ukrainase Unian, që sidoqoftë vendosin pikëpyetje në fund. Pret konfirmime edhe Anton Gerashcenko, këshilltar i ministrisë së brendshme ukrainase. Edhe zëdhënësi i vullnetarëve ukrainas që operojnë në jug, Sergei Bratchuk, i cituar nga Unian, nuk e fsheh skepticizmin duke nënvizuar sidoqoftë se në sulmin e një dite më parë janë goditur gjeneralë apo oficerë të një rangu të lartë. Sidoqoftë, nuk ka konfirmime përfundimtare. Të enjten, komandanti i forcave ajrore ukrainase, Mikola Oleshchuk, kishte falenderuar pilotët që kishin kryer sulmet duke nënvizuar se ai kishte qenë një operacion perfekt luftimi...Moska në anën tjetër kishte thënë se kishte rrëzuar 10 raketa në krime dhe kishte interceptuar 36 dronë armiq. Sidoqoftë, kjo nuk është hera e parë që flitet për vdekjen në luftë të Gerasimov.