Vladimir Putin buzëqeshi ndërsa përsëriti kërcënimet e tij për të goditur Britaninë e madhe, duke mos e kursyer ironinë ndërsa tha se sulmet ndaj fabrikave të vendit ishin një 'sekret ushtarak' rus. Gjatë një interviste për median shtetërore ruse RT, shefi i Kremlinit lëshoi një paralajmërim të kobshëm pasi britania e madhe pranoi t’i jepte Ukrainës planet sekrete të raketave me rreze të gjatë veprimi. Kur u pyet: 'A mund të bëhen objektet industriale ushtarake britanike në territorin britanik shënjestra ushtarake?' Putin u përgjigj duke buzëqeshur: 'Ky është një sekret ushtarak'- tha ai duke bërë të qartë se çdo 'objekt ushtarak britanik' brenda Ukrainës ishte 'absolutisht' një shënjestër për rusinë. Putin foli në një konferencë për shtyp në mbrëmje në Bishkek, kryeqytetin e Kirgistanit, pasi mori pjesë në samitin e Organizatës së Bashkëpunimit të Shangait, SCO. Tallja e tij erdhi pas kërcënimeve të shtuara të Moskës për Britaninë e Madhe për shkak të mbështetjes së saj për Ukrainën.