Prokuroria e Posaçme ka dalë me një njoftim zyrtar duke dhënë të tjera detaje nga arrestimi i Ermal Beqirajt në Francë më 24 korrik. Beqiraj u ndalua nga autoritetet franceze teksa ishte duke fluturuar me nja avion kaçator mbi një impiant bërthamor të vendit. SPAK thotë se kanë njoftuar që më 19 qershor 2026 homologët francezë për mundësinë se në territorin e tyre strehohej i shumëkërkuari i drejtësisë. Hetimet e mëtejshme nga autoritetet franceze e konfirmuan këtë informacion dhe identifikuan disa asete me origjinë kriminale të ndodhura në Francë, veçanërisht llogari bankare me një vlerë totale prej mbi dy milionë eurosh, dy apartamente , u evidentua blerja e një kështjelle në rajonin e Oises me vlerë rreth 2.6 milion euro dhe mjete motorike. Për këto asete si dhe për të tjera të cilat do të rezultojnë nga hetimet e mëtejshme, i është dërguar kërkesë për ndihmë juridike autoriteteve gjyqësore franceze me qëllim sekuestrimin e tyre. Me kërkesë te Prokurorisë së Posaçme autoritetet franceze kane kryer kontrollin personal si edhe të disa ambienteve në pronësi të shtetasit Ermal Beqirajt, ku janë sekuestruar sende qe vlerësohen me interes për procedimin penal.