Tajvani është në alarm maksimal pasi një aeroplanmbajtëse kineze është pikasur në jug të ishullit. Aeroplanmbajtësja Liaoning ka hyrë në ujërat afër kanalit bashi dhe me shumë gjasë po drejtohet për në paqësorin perëndimor – ka shpjeguar ministria tajvaneze e mbrojtjes në një deklaratë, ku shtohet se ushtria është në alarm maksimal, e gatshme të ndërhyjë nëse do të jetë e nevojshme. 11 aevionë luftarakë dhe tetë anije lufte kineze janë parë ndërkohë përreth ishullit në 24 orët e shkuara sipas ministrisë së mbrojtjes së tajvanit. Nëntë avionë të ushtrisë popullore kineze kanë kapërcyer madje linjën ndarëse të ngushticës së tajvanit dhe kanë hyrë në zonën e mbrojtur të identifikimit ajror, nga veriu, jugperëndimi dhe lindja. Forcat e armatosura tajvaneze kanë monitoruar situatën dhe kanë reaguar sipas rrethanave, duke ndjekur rrjedhën e ngjarjeve – tha ministria në deklaratë.