Danimarka ka dërguar më shumë trupa në Groenlandë, ndërsa Donald Trump forcon këcënimet e tij për të pushtuar territorin. Ushtarët danezë zbarkuan në Kangerlussuaq, ku ndodhet aeroporti kryesor ndërkombëtar i ishullit, të hënën në mbrëmje. Trump e përshkallëzoi kërcënimin e tij për të marrë kontrollin e Grenlandës në një seri postimesh në Truth Social gjatë natës, të cilat përfshinin një imazh të gjeneruar nga inteligjenca artificiale të presidentit amerikan duke mbajtur një flamur amerikan në ishull. Një tabelë në fotografi, e cila paraqiste edhe JD Vance dhe Marco Rubio, shkruante: "Groenlanda - territor i SHBA-së i themeluar në vitin 2026". Ai e minimizoi mbërritjen e trupave në Groenlandë pasi aleatët e NATO-s, përfshirë Britaninë dhe Francën, dërguan një kontingjent të vogël ushtarësh në ishull. "Ata dërguan disa njerëz, dhe thonë se nuk i dërguan për mua, por për t'u mbrojtur nga Rusia", u tha ai gazetarëve. Mbërritja e trupave evropiane më herët duket se ndezi zemërimin e Trump dhe coi në kërcënimin e tij për të vendosur tarifa për mallrat nga Britania dhe shtatë vende të BE-së, nëse kontrolli i Groenlandës nuk i dorëzohej SHBA-së.