Presidenti turk Recep Tayyip Erdogan do të vizitojë rusinë së shpejti për të diskutuar marrëveshjen e skaduar me kombet e bashkuara që lejoi eksportet e grurit ukrainas përmes Detit të Zi – tha një zëdhënës i partisë në pushtet në turqi, Drejtësi dhe Zhvillim. Kombet e bashkuara dhe turqia ndërmjetësuan marrëveshjen vitin e kaluar, por ajo u shfuqizua muajin e shkuar pasi moska nuk pranoi zgjatjen e afatit. Ankaraja po kërkon të bindë rusinë të rikthehet në marrëveshjen nën të cilën në portet e odesës kaluan me dhjetëra-miliona tonë grurë. Që kur marrëveshja u shfuqizua, forcat ruse kanë vënë në shënjestër portet ukrainase me seri raketash dhe dronësh kamikazë. Omer Celik, zëdhënës i partisë së erdogan, tha se presidenti turk do të vizitonte resortin e rusisë në detin e zi, sochi, së shpejti, por nuk saktësoi nëse ai do të takohej apo jo me presidentin rus Vladimir Putin. “Pas kësaj vizite mund të ketë zhvillime dhe faza të reja për sa i takon marrëveshjes së grurit”, i tha ai gazetarëve. Kremlini tha të premten e kaluar se kishte një pajtim se dy liderët do të takoheshin personalisht së shpejti. Ndërsa Bloomberg, citoi dy burime anonime që raportonin se erdogan pritej të takonte putinin javën e ardhshme, ndoshta më 8 shtator, para se të udhëtojë drejt takimit të G20-ës që do të mbahet në Indi.