Presidenti turk, recep Tayyip Erdogan udhëhoqi faljet e të shtunës në xhaminë ikonike të stambollit, Hagia Sophia, para se të niste betejën elektorale për jetën e tij politike kundër një rivali të fuqishëm laik. 69 vjecari, imitoi një ritual që sulltanët otomanë performonin para se të udhëhiqnin njerëzit e tyre në luftë, ndërsa përgatitej për votën e të dielës. Thirrja “Zoti është i madh’ jehoi në qytetin e vjetër të stambollit ndërsa dielli perëndinote dhe u mësua lajmi i mbërritjes së Erdoganit në xhami. Ky i fundit nuk është përballur kurrë më parë me një opozitë më energjike dhe më të bashkuar se kjo që udhëhiqet nga një shërbyes civil në pension, Kemal Kilicdaroglu dhe aleanca e tij prej gjashtë partish. Lideri turk, ka shkëlqyer në të shkuarën në ndarjen e rivalëve të tij dhe krijimin e unioneve të pamundura, ndërkohë që fitoi njëra pas tjetrës zgjedhje kombëtare për 21 vjet. Por partia e tij me rrënjë islamike po përballet me zemërim për shkak të krizës ekonomike në vend dhe një raprezaljeje mbi liritë civile gjatë dekadës së dytë të erdoganit në pushtet. Në anën tjetër, gjashtë partitë e opozitës kanë lënë mënjanë dallimet e tyre politike dhe kulturore dhe kanë bashkuar forcat me qëllimin e vetëm, rrëzimin e Erdoganit.