Presidenti turk, Recep Tayyip Erdogan tha të mërkurën se grupi militant palestinez, Hamas, nuk është një organizatë terroriste por një grup clirimtar që po lufton për të mbrojtur tokat e veta. Në një fjalim para ligjvënësve të partisë së tij në parlament, Erdogan tha se Izraeli ka përfituar nga qëllimet e mira të turqisë dhe se ai nuk do të shkojë më në izrael sic ishte planifikuar më herët. “Ne kishim një projekt që të shkonim në izraeli, por ai është anuluar. Ne nuk do të shkojmë”, tha ai. Erdogan kërkoi një armëpushim të menjëhershëm mes Izraelit dhe forcave palestineze dhe tha se vendet myslimane duhet të reagojnë dhe të punojnë së bashku për një paqe afatgjatë. Erdogan po ashtu i kërkoi fuqive botërore të bëjnë presion mbi Izraelin që të ndalë sulmet mbi gaza. Erdogan shtoi se kalimi kufitar i Rafahut duhet të mbahet i hapur për ndihmat humanitare dhe se shkëmbimet e të burgosurve duhet të nisin me urgjencë.