Presidenti i Turqisë, Rexhep Tajip Erdogan mbërrin në Berlin, në një vizitë që do të shoqërohet me shumë gjasa nga tensione në lidhje me pozicionet e kundërta për luftën në Lindjen e Mesme. Premisat nuk janë të mira për këtë vizitë që do të zgjasë deri të shtunën vonë. Atmosfera mes berlinit dhe ankarasë, duket e ftohtë. Në mënyrë të përsëritur Erdogan kohët e fundit ka përdorur fjalë të ashpra kundër Izraelit dhe ka mbrojtur Hamasin terrorist. Izraeli përpiqet që prej 75 vjetësh "të krijojë një shtet në një territor, që i është rrëmbyer popullit palestinez", tha së fundi Erdogani në Ankara. Legjitimiteti i Izraelit "vihet në pikëpyetje për shkak të fashizmit të tij", sipas Erdoganit. Ndërkohë, kancelari gjerman në një konferencë për shtyp në Berlin, i quajti "absurde" këto deklarata të presidentit turk. Izraeli është një demokraci, theksoi kancelari. "Edhe kjo duhet thënë shumë qartë, e për këtë nuk ka asnjë dyshim".