Katër orë negociuan presidenti turk Erdogan dhe ai rus, Putin në fillim të muajit në Soçi. Në fund nuk pati as konferencë shtypi dhe as një deklaratë të përbashkët, që të linte të kuptoje, se Moska dhe Ankaraja në çështjet e rëndësishme nuk janë të një mendimi. Erdogan u takua me Putinin për të marrë dritën jeshile për operacionin ushtarak turk në veri të Sirisë të paralajmëruar që në maj të këtij viti, por kjo dritë nuk u ndez. Ka qenë hera e dytë në pak javë që presidenti turk është përpjekur të marrë mbështetje diplomatike për planet e pushtimit të Sirisë veriore, po pa sukses. Edhe paralajmërimet nga SHBA nuk kanë luajtur një rol parësor për Erdogan. Më shumë efekt ka pasur refuzimi i qartë që iu bë presidentit turk në samitin tre palësh me Putinin dhe presidentin iranian muajin e kaluar në Teheran.