Turqia prej 3 ditësh po lufton me zjarret, të cilat kanë përfshirë një sipërfaqe pyjore në zonën e Marmaris. Zjarrëvënia dyshohet se ka qenë e qëllimshme, pasi një 34 vjecar rrëfeu se ndezi një vatër zjarri pas disa mosmarrëveshjeve që ai kishte me pjesëtarët e familjes. Lidhur me këtë, presidenti turk Recep tayip Erdogan, teksa foli për situatën alarmante, u shpreh se ai do të favorizojë dënimet e rënda për personat e ndaluar për zjarrvënie të qëllimshme, dhe i mëshoi idesë se Turqia duhet të hapë debatin për rivendosjen e dënimit me vdekje, i cili është hequr në vitin 2002. Lideri i turqisë shtoi se situata është vënë disi në kontroll, edhe pse flakët shkrumbuan një sipërfaqe pyjore prej gati 4000 hektarësh, duke shtuar se ato u përhapën edhe pranë resorteve në bregdetin Marmaris. Ergogan shtoi se si pasojë e situatës alarmante në këtë zonë, qindra banorë u evakuuan diku tjetër, ku do të jenë më të sigurtë. Gati 20 persona përfunduan në spital me dëmtime të ndryshme, për shkak të zjarreve masive. Pamjet: AFP