Presidenti turk Rexhep Tajip Erdogan zhvilloi një bisedë telefonike me Presidentin amerikan Donald Trump, sipas Agjencisë turke të lajmeve Anadolu, e cila citonte një deklaratë nga Drejtoria e Komunikimit. Në deklaratë thuhej se udhëheqësi turk theksoi "rëndësinë" e intensifikimit në maksimum të diplomacisë në mesin e tensioneve në Lindjen e Mesme, duke shprehur veçanërisht shpresën e tij për vazhdimin e negociatave mes SHBA-së dhe Iranit. Erdogan deklaroi gjithashtu se Marrëveshja e Përbashkët e Mbrojtjes së Mekës, e nënshkruar këtë muaj midis Turqisë, Pakistanit dhe Arabisë Saudite, "përbën një pozicion të fortë në sigurimin e stabilitetit dhe sigurisë rajonale", thuhet në deklaratë. Presidenti turk foli gjithashtu edhe për Gazën, duke argumentuar se "në një kohë kur qëllimi është të kalohet në fazën e dytë të procesit të paqes, ka pasur një rritje të veprimeve të qeverisë izraelite kundër palestinezëve". Erdogan shtoi se Turqia "do të vazhdojë të mbështesë paqen e qëndrueshme në rajon dhe përpjekjet për të rindërtuar" Rripin e Gazës.