Presidenti i Turqisë, Recep Tayyip Erdogan, i kërkoi homologut rus, Vladimir Putin, që të shpallë armëpushim “të njëanshëm” në Ukrainë. “Presidenti Erdogan tha se thirrjet për paqe dhe negociata duhet të mbështeten nga një armëpushim i njëanshëm dhe një vizion për zgjidhje të drejt”, tha zyra e Erdoganit, teksa njoftoi se dy liderët kanë zhvilluar një bisedë telefonike. Por në anën tjetër, kremlini bën të ditur se presidenti Putin i ka thënë Erdogan se Rusia është e hapur për dialog me Ukrainën por se Kievi duhet të pranojë humbjen e territoreve të aneksuara tashmë. “Vladimir Putin ripohoi gatishmërinë e rusisë për dialog serioz, me kusht që autoritetet e Kievit të plotësojnë kërkesat e bëra publike tashmë dhe të përsëritura dhe të marrë në konsideratë realitetet e reja territoriale”, tha Kremlini. Ndërkohë, sipas deklaratës, putin ka folur edhe për rolin destruktiv të perëndimit që po con pa ndalur armë në kiev si edhe po jep informacione dhe udhëzime. Erdogan po ashtu pritet të zhvillojë një bisedë telefonike gjatë të enjtes edhe me presidentin ukrainas, Volodymyr Zelensky.