Rexhep Tajip Erdogan i cilësoi të papranueshme komentet e presidentit amerikan Joe Biden për homologun e tij rus, Vladimir Putin. Bideni e quajtit Putinin një vrasës, e kjo për Erdogan është e papranueshme. “ Deklarata të tilla nuk i kanë hije një presidenti”, tha kreu i shtetit turk. Biden këtë javë, kur u pyet gjatë një interviste televizive nëse mendon se Putin ishte vrasës, u përgjigj: "po e mendoj". Vetë Putini reagoi të enjten duke u shprehur i gatshëm për bisedime publike në internet me shefin e Shtëpisë së Bardhë, për të folur me të sic tha rreth marrëdhënieve bilaterale me Shtetet e Bashkuara si dhe çështje të tjera të tilla si konfliktet rajonale. Pak përpara kësaj, Putin ishte shprehur se komentet e Presidentit amerikan Joe Biden pasqyrojnë problemet që Shtetet e Bashkuara kanë aktualisht apo kanë patur në të shkuarën.I pyetur në lidhje me pohimet e Biden gjatë një telekonfence me rastin e përvjetorit të aneksimit të Krimesë nga Rusia, Putin tha se ato pasqyronin historinë e trazuar të vetë Shteteve të Bashkuara. ai permendi hedhjen e bombës atomike nga amerikanët në Hiroshima të Japonisë gjatë Luftës së Dytë Botërore, si dhe historinë e shkuar të Amerikës atë të vrasjes së amerikanëve indigjenë dhe skllavërinë duke shtuar se trashëgimia e dhimbshme rëndon mbi Shtetet e Bashkuara. edhe pse Ankaraja dhe Ëashingtoni sakaq janë aleatë në Nato, Erdogani dhe Bideni ende nuk kanë komunikuar me njëri tjetrin që nga koha kur ky i fundit u bë president.