Imazhi i “lodhur” i Recep Tayip Erdogan gjatë fjalimit të tij të fundit në internet me zyrtarët e partisë së tij ka ndezur një sërë reagimesh pasi në video tregohet se ai nuk mund të flasë qartë dhe t’i mbajë sytë hapur nga lodhja. Agjencia kombëtare Anadolu, u akuzua nga media pro-qeveritare se nuk mbrojti imazhit e presidentit turk, i cili nuk tregon vetëm veten por edhe imazhin e vendit. Fatih Altaygli la të kuptohet se një person shumë i afërt me Erdogan kishte lejuar që presidenti turk të ekspozohej në publik. “Transmetimi i këtyre imazheve është një turp i vërtetë. Kjo tregon qartë se dikush shumë i afërt me Presidentin po përpiqet ta vendosë Presidentin në një pozitë të vështirë, duke u përpjekur ta bëjë atë të duket i dobët”- tha ai. Duke iu përgjigjur kritikave, kryeredaktori i Anadolu Yusuf Ozhan tha se agjencia transmetoi intervistën e Erdogan drejtpërdrejt në kanalin e presidencës turke, kështu që ajo nuk mund të redaktohej. Video u bë virale në mediat sociale turke, me shumë komente që imazhi i Erdoganit të dobët ishte në përputhje me thashethemet për problemet serioze shëndetësore me të cilat është përballur kohët e fundit. Çështja e shëndetit të Erdogan është një “tabu” në Turqi. Shkurtin e kaluar, një video tjetër e tregonte duke ecur me vështirësi kishte shkaktuar përsëri zhurmë në vend. Në vitin 2020, rrjeti Monitor Nordic kishte botuar dokumente sekrete në lidhje me shëndetin e burrit të fortë të Turqisë. Sipas tyre, Erdogan ka qenë duke luftuar me kancerin e zorrës së trashë për shumë vite, ndërsa gjithashtu vuan nga epilepsia e rëndë.