Jeffrey Epstein është interesuar prej vitit 2014 deri në vitin 2016 për të blerë pasuri të patundshme në Europë, si formë investimi dhe përfitimi nga kriza financiare që kishte prekur në atë kohë kontinentin e vjetër. Disa e-maile të publikuara nga Departamenti i Drejtësisë tregojnë se pedofili që u vetëvra në qeli në vitin 2019 ishte interesuar për tregun e pasurive të patundshme në Francë dhe Greqi. Në Francë kishte kontakte deri te Macron, që në atë periudhë mbante postin e ministrit të Ekonomisë, ndërsa në Greqi interesohej përmes agjentëve real estate dhe ekspertëve të tregut.