Një kolumnist i njohur i “The Financial Times”, Gideon Rahman së fundmi ka shkruar një artikull për liderët Xi Jinping, Boris Johnson dhe princin saudit Muhamed Bin Salman, duke nxjerrë në pah të përbashktat e këtyre të treve. Sipas tij, këto udhëheqës paraqesin një kërcënim jo vetëm për mirëqenien e vendeve të tyre, por edhe për një rend botëror, në të cilin po luftohen gjithnjë e më shumë idetë liberale dhe kozmopolite. Është e vërtetë që Johnson nuk është akuzuar se ka urdhëruar vrasjen e ndonjë kritiku, siç ka bërë Bin Salman, në rastin e gazetarit saudit Xhamal Kashoxhi. Mirëpo, Rahman argumenton se stili i liderit të fortë është një vazhdimësi, në të cilën afërsitë e eksponentëve të tij përforcohen ose dobësohen nga sistemi i veçantë politik në të cilin funksionon secili. Ky i fundit shprehet se liderët autoritarë po i shpërfillin gjithnjë e më shumë institucionet globale dhe bashkëpunimet shumëpalëshe.