Shqipëria vijon të vuajë një nga krizat më të rënda, të paktën sipas raporteve të shoqërisë civile. Bëhet fjalë për shpopullimin e vendit për shkak të emigrimeve masive. Emigrimi ka sjellë edhe heqje dorë nga shtetësia shqiptare, për shkak se vendet ku ata kanë vendosur të jetojnë dhe të marrin shtetësinë, nuk e lejojnë që të mund të mbahet njëkohësisht edhe ajo shqiptare. Në të tilla kushte, vetëm gjatë muajit prill, kanë hequr dorë nga pasaporta shqiptare me dekret të Presidentit Bajram Begaj, 52 qytetarë.