Një raport i publikuar nga eurostat ka analizuar çmimet e energjisë elektrike familjaret për rajonin e Ballkanit. Sipa këtyre të dhenave familjet shqiptare e paguajnë energjinë më shtrenjtë se vendet e tjera të rajonit, bën të ditur revista ‘Monitor’. në raportin e Eurostat rezulton se një familje shqiptare e paguan energjinë 0.0778 euro për kilovat orë. Kjo tarifë është më e shtrenjtë sesa Bosnjë Hercegovina 0.0728 euro për kilovat orë, Maqedonia e Veriut (0.0669 euro), Serbia 0.0551 ero, ndërsa më e lira në rajon është Kosova (0.0528 euro për kilovat orë). ndërkohë mungojnë të dhënat për malin e Zi. Vendet e Ballkanit e kanë energjinë për familjarët më lirë se shtetet e Bashkimit Europian. Mesatarja e BE është 0.1312 euro për kilovat orë. Energjinë e paguajnë më shtrenjtë Belgjika, Qipro, Mbretëria e Bashkuar, Italia, Holanda, Austria (shih grafikun). Ndërsa më të lirat në Europë janë Gjerogjia dhe Ukraina. Një raport i mëparshëm i Komunitetit të Energjisë nënvizon se Shqipëria paguan më shtrenjtë se të gjitha vendet e marra në analizë pjesën e sigurimit të sasisë së energjisë që duhet për konsum. Raporti nënvizon se bizneset në Shqipëri e paguajnë energjinë më shtrenjtë se rajoni. “Në vendet e marra në analizë pjesë e Komunitetit të Energjisë ka ndryshime s ai takon pjesëve përbërëse në një faturë energjie. Pjesa e treguesit të energjisë në faturën përfundimtare ishte më e lartë në Shqipëri me 63% për qind dhe më e ulëta në Serbi me 34% ndërsa pjesa e kostove të rrjetit në çmimin e përgjithshëm të energjisë elektrike për familjarët ishte mes 20% për Shqipërinë dhe 49% për Kosovën”, thuhet në raport. I njëjti raport analizon edhe kostot e energjisë për konsumatorët e biznesit duke nënvizuar se në Shqipëri ata kanë paguar sërish më shtrenjtë. Çmimet më të ulëta të energjisë elektrike për konsumatorët e energjisë elektrike industriale ishin në Gjeorgji me 5.89 euro cent / kËh, ndërsa çmimi më i lartë industrial u raportua në Shqipëri 12.48 euro cent / kwh.