Njerëzit në fazat e fundit të jetës shpesh përjetojnë ëndrra dhe vizione gjithnjë e më të gjalla, të cilat lidhen me të afërmit e ndjerë dhe shenja të tranzicionit drejt fundit të jetës, duke sjellë ndjenja qetësie dhe pranimi, ky wshtw përfundim qw vjen nga një studim i udhëhequr nga psikologia Elisa Rabitti, pranë AUSL Reggio Emilia në Itali, i publikuar në revistën shkencore Death Studies. Sipas hulumtimit, shumë pacientë pranë fundit të jetës raportojnë ëndrra me përmbajtje emocionale të forta, ku shfaqen familjarë apo kafshë shtëpiake të ndjerë, si dhe simbole të tranzicionit, si shkallët ose dyert e hapura dhe të mbushura me dritë. Këto vizione interpretohen si përpjekje të trurit për t’i dhënë kuptim ndryshimit që po afrohet. Studimi u bazua në raportimet e 239 profesionistëve të kujdesit paliativ — mjekë, infermierë dhe psikologë — të cilët ndoqën përvojat e pacientëve. Rezultatet tregojnë se shumica e pacientëve përjetojnë ndjenja qetësie dhe ngushëllimi pas këtyre ëndrrave, ndërsa vetëm rreth 10% raportuan ëndrra shqetësuese ose ankthi. Për studiuesit, këto ëndrra dhe vizione janë një mënyrë e trurit për t’i përgatitur njerëzit për shkëputjen nga jeta, duke e bërë këtë proces më pak të frikshëm dhe më të mbushur me dashuri, paqe dhe pranimi.