Lamtumirë Shpat Kasapi! Artisti u përcoll në banesën e fundit këtë të dielë, ndërsa të shumta ishin ata që nderuan figurën e tij. Miq, të afërt por dhe shumë artistë nga Shqipëria e Kosova morën pjesë në homazhet që u zhvilluan në Pallatin e Kulturës në Tetovë. Trupi i këngëtarit mbërriti në Maqedoninë e Veriut nga Italia, ku dhe ai humbi jetën si pasojë e një ataku kardiak, teksa ndodhej për një kontroll mjekësor për të birin. Arkivoli i këngëtarit u mbulua me flamurin kuqezi, ndërsa të shumtë ishin ata që hodhën në librin e shënimeve kujtimet e tyre. Largimi i parakohshëm nga jeta i artistit që bëri bashkë të gjithë shqiptarët me muzikën e tij tronditi mbarë kombin. Shpata kasapi ishte një nga banorët e konfirmuar të edicionit të ri të Big Brother, por ëndrra e tij u shua në mes si pasojë e ikjes së shpejtë nga jeta.