Edhe pse policia e shtetit po gjobit ccdo ditë një numër të madh qytetarësh që nuk respektojnë masat anti-covid, sërish shkelësit e këtyre rregullave janë të shumtë. Si rezultat kontrolleve, gjatë 24 orëve të fundit, në të gjithë vendin, Patrullat e Përgjithshme dhe ato të Policisë Rrugore kanë evidentuar dhe ndëshkuar me gjobë prej 3.000 lekë secili, 361 qytetarë që janë konstatuar duke lëvizur pa maskat mbrojtëse. Gjatë kontrolleve janë shoqëruar në ambientet e Policisë në të gjithë vendin, 6 qytetarë që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë gjobitur me 3.000 lekë dhe më pas janë lënë të lirë. Policia e Shtetit njofton se do të vijojë punën për monitorimin e zbatimit të masave anticovid në të gjithë vendin, ndaj edhe apelon për të gjithë qytetarët që të zbatojnë me rigorozitet masat anticovid.