Edhe pse ka më shumë se 3-4 ditë kur janë ndërprerë reshjet e shiut situata e përmbytjeve vijon të jetë e rënduar në Shkodër, ku mesohet se janë ende1880 hektarë nën ujë, shifër që tregon pakësim të hektarëve të përbytur të raportuara në ditët e kaluara. Sipas bashkisë së Shkdorës Hidrometri në Dajç ka kaluar kuotën maksimale duke arritur në 6.32 metër, ndërsa shqetësuese mbetet rruga e Obotit. Prej disa ditësh, niveli i ujit është 80 cm dhe është e kalueshme vetëm për mjetet e larta. Edhe Ujësjellësi Oblika 1 vazhdon të jetë jashtë funksionit, por banorët e fshatit janë furnizuar me ujë të pijshëm nga UKSH. Për shkak të rritjes së nivelit të ujit është bllokuar segmenti rrugor në vendin e quajtur Urrelat, as që që lidh fshatërat Shirq me Darragjat. Bashkia e Shkodrës ka konfirmuar sërish se për shkak të prurjeve të shtuara të lumit Drin, vijon ghërryerja e tokave bujqësorë në fshatin Ganjollë në malin e Vukatanës, në Bërdicën e Sipërme, dhe në fshatin Bardhaj . për banorët e njësive më të prekura nga përmbytjet bashkia e Shkodrës ka vijura shpërndarjen e ndihmave ushqimore dhe të ushqimeve për bagëtitë.