Autori i ngjarjes së rëndë në Decan të Kosovës, ku disa ditë më parë masakroi me armë zjarri tre persona mes tyre dy nxënës është ende i lirë. Edhe pse kanë kaluar 6 ditë nga ngjarja e rëndë, policia dhe prokuroria akoma nuk kanë arritur të zbardhin misterin e kësaj ndodhie. Dy dit pas ngjarjes, policia e Kosovës përmes një komunikate deklaroi se ofron 20 mijë euro për cdo person që ka informacion apo ndonjë të dhënë rreth ngjarjes apo autorit. Vec kësaj, 6 emigrantë kanë ofruar 30 mijë euro në këmbim të dhënien informacion për këtë ngjarje. Edhe ish-zyrtari i lartë i UÇK-së, Naim Miftari i cili ka thënë se së bashku me shokët e tij kanë vendosur nga 5 mijë euro secili për informacione që do të bëjnë të hidhet dritë mbi krimin masakër të Gllogjanit. Tragjedia e rëndë ndodhi mrëmjen e 26 nëntorit. Një autobus u sulmua nga disa persona ende të paifentifikaur me breshëri plumbash, duke lënë kështu të vdekur 3 persona, shoferin e autobusit dhe dy nxënës.