Ministria e Shëndetësisë ka raportuar se gjatë 24 orëve të fundit kanë rezultuar pozitivë 819 persona nga 3372 testime të kryera. Rastet pozitive të konfirmuara janë identifikuar në kryesisht në bashkinë e Tiranës 300 me raste, për tu pasuar me 50 në Durrës, 38 në Shkodër, e në vijim bashkitë e tjera me më pak persona të infketuar. Raportohet gjithastu se në 24 orët e fundit janë shëruar 838 qytetarë, duke e çuar numrin e të shëruarve në 75,190 që nga fillimi i epidemisë. Aktualisht në spitalet COVID në Tiranë dhe tre spitalet rajonale po trajtohen 647 pacientë, 31 në terapi intensive, nga të cilët 8 pacientë janë të intubuar. Fatkeqësisht 21 qytetarë e kanë humbur betejën me COVID19, ndër to 7 qytetarë janë nga Tirana, 3 qytetarë nga Durrësi, 3 qytetar nga Lushnja, 2 qytetarë nga Elbasani dhe nga një qytetar në Vlora, Fier, 1 Kurbin, 1 Librazhd, 1 Sarandë dhe Kavjë, të moshave 35-84 vjeç. Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë.