Komisioni Qendror i Zgjedhjeve njofton se pasditen e së enjtes mbërrijnë në vendet fletët e para të votimit të plotësuara nga emigrantët. KQZ nuk jep shifër të saktë, por thotë se disa fletë të votës së diasporës janë procesuar tashmë në sistemin postar dhe të tjera ndërkohë janë në qendrën e përpunimit të tyre në Leipzig të Gjermanisë. Sipas njoftimit që Komisioni u ka drejtuar partive politike, avioni me dërgesa mbërrin në orën 17.25 minuta në Rinas dhe duke llogaritur kohën që duhet për të kaluar procedurat në aeroport dhe rruga për në Tiranë, pritet që fletët e votimit të mbërrijnë për administrim rreth orës 19.00 në Parkun Olimpik. Sa më sipër, KQZ njofton partitë politike se janë të mirëpritura të marrin pjesë në pritjen e dërgesave të para.