Prokurorët spanjollë thonë se 23 sulme seksuale, përfshirë nëntë kundër fëmijëve, janë regjistruar në Ceuta që nga fluksi masiv i emigrantëve në enklavën spanjolle në fund të korrikut. Ky numër nënkupton se është regjistruar pothuajse një rast çdo ditë. Sipas autoriteteve vendase, vajzat emigrante ishin më të prekura. Të paktën 72,000 migrantë kaluan nga Maroku në Ceuta më 30 dhe 31 korrik dhe megjithëse shumica janë kthyer, rreth 5,000 mbeten ende , duke shkaktuar në trazira në qytetin autonom në Afrikën e Veriut dhe një krizë për kryeministrin spanjoll Pedro Sánchez. Sipas mediave vendase, midis 1,400 dhe 1,600 nga rreth 5,000 emigrantë që ndodhen ende në Ceuta janë fëmijë. Midis të dyshuarve autorë të sulmeve janë katër marokenë, tre spanjollë dhe një belg. Ditët e fundit ka pasur skena dhune, ndërsa tensionet janë rritur midis emigrantëve dhe banorëve vendas. Sánchez thirri të martën takimin e dytë të këshillit të tij të sigurisë kombëtare brenda një jave për të trajtuar çështjen. Ndërkohë, mediat vendase shkruajnë se fluksi ka çuar në një rritje të ndjeshme të sulmeve seksuale dhe shumë viktima nuk denoncojnë, qoftë nga frika për shkak të situatës së tyre aktuale në Ceuta, pasi janë pa dokumentacionin e duhur.