Forcat politike kanë ndezur motorët për të kërkuar votën e emigrantëve. Pas udhëzimit të kryedemokratit Sali Berisha, deputetët e kësaj force politike po zhvillojnë takime të ndryshme neë diasporë. Së fundmi Sekretari i Përgjithshëm i PD, Flamur Noka, zhvilloi një takim në Belgjikë, ku kërkoi regjistrim masiv të emigrantëve për në zgjedhjet e 11 majit, si një mundësi rrotacioni. Situata në Shqipëri është emergjente. Ne sot në Shqipëri kemi një narko-regjim. Ne nuk kemi një kryeministër, siç ka çdo vend i Europës, ne kemi një narko-kryeministër dhe kemi narko-qeveri. Kemi një njeri që vetëm ka mashtruar. Kemi një njeri, që largoi për 10 vite 1.1 milion shqiptarë nga shtëpitë e tyre. Kemi në krye një njeri që ka si qëllim ta shkatërrojë e shpopullojë Shqipërinë, që vendi ynë të kthehet në tokë të djegur për shqiptarët dhe tokë pjellore për krimet e George Soros. Rama ka shkatërruar shëndetësinë, rendin e sigurinë. Drejtori i Policisë shqiptare sot është përfaqësues i mafies. Çdo premtim në fushatë, Rama e kishte mashtrim.