Shumë emigrantë po mendojnë largimin nga Gjermania, përpara zgjedhjeve rajonale të së dielës së ardhshme, mes frikës se partia e ekstremit të djathtë, Alternativa për Gjermaninë (AfD), mund të shënojë një fitore historike. AfD, e njohur për qëndrimet e saj të ashpra ndaj emigracionit dhe Islamit, synon të sigurojë shumicën që do t’i mundësonte të qeveriste e vetme. Kandidati i partisë për kryeministër, ka premtuar se do të nisë menjëherë një fushatë dëbimesh. Sipas tij, masat do të prekin vetëm personat që ndodhen ilegalisht në Gjermani, por retorika e fushatës ka shtuar shqetësimin te komunitetet e huaja. Në Magdeburg, rreth 150 restorante, kioska dhe berberhane të drejtuara nga emigrantë mbyllën përkohësisht aktivitetin në shenjë proteste ndaj asaj që e konsiderojnë si rritje të klimës ksenofobike. Mes personave që po përballen me këtë pasiguri janë edhe punonjës të bluzave të bardha, të cilët theksojnë se ashpërsimi i ligjeve të emigracionit mund t’ju vështirësojë jetesën në shtetin gjerman.,