Pesë persona janë arrestuar, pasi po transportonin ilegalisht me jaht shtatë emigrantë në Mbretërinë e Bashkuar. oficerët e Forcës Kufitare ndaluan jahtin sapo mbërriti në brigjet jugore të Anglisë. Dy anëtarë të ekuipazhit, njëri shtetas britanik 42 vjeç dhe tjetri shtetas shqiptar 25 vjeç, u arrestuan me dyshimin për lehtësim të emigracionit të paligjshëm në Mbretërinë e Bashkuar. Oficerët identifikuan gjithashtu tre persona të tjerë, që po prisnin jahtin në breg, një shtetas britanik 38 vjeç dhe dy shqiptarë 24 dhe 32 vjeç. Dy shtetasit shqiptarë janë lënë në paraburgim nën dyshimin për vepra penale të kontrabandës së njerëzve, ndërsa të tjerët u morën në pyetje dhe u lanë të lirë në pritje të hetimeve.