Emigracioni duket se ka ndikuar në uljen e përgjithshëm të nxënësve në institucionet publike parauniversitare në Kosovë. Sipas të dhënave zyrtare të Agjencisë së Statistikave të Kosovës, në vitin shkollor 2015/2016 numri i nxënësve në shkollat fillore dhe të mesme ka qenë rreth 367 mijë, ndërsa në vitin 2023/2024 ky numër ka rënë në rreth 291 mijë, duke shënuar gati 76 mijë më pak në vit. Shifrat e Agjencisë tregojnë se numri i nxënësve në klasën e I të shkollës fillore në vitin shkollor 2015/2016 ka qene rreth 26 mijë nxënës, ndërsa këtë vit shkollor ka rënë me gati 22 mijë nxënës. Një rënie të ndjeshme kanë pësuar edhe studentët e regjistruar në në nivelin bachelor në universitetet publike. Në vitin akademik 2018/2019 numri i tyre ka qenë gati 11 mijë, ndërsa këtë vit numri është tkurrur në rreth 7 mijë të regjistruar në vitin e parë.