Ramzan Kadyrov, presidenti cecen, mik i zjarrtë i Vladimir Putinit, tha se Elon Musk ka fikur nga distanca Cybertruck-un (Sajbërtrakun) e tij që ai tha se do ta dërgonte në luftë në Ukrainë pasi montoi një mitraloz në pjesën e pasme të tij. 47 vjecari u filmua pak kohë më parë duke drejtuar automjetin, të cilin ai thotë se i është dhuruar nga sipërmarrësi miliarder, rreth atij që dukej të ishte pallati presidencial në kryeqytetin çeçen Grozny. Pamjet, që thuhet se ishin filmuar më 17 gusht, e tregonin atë duke qëndruar pas një automatiku, me një shirit plumbash rreth qafës. Por dy ditë më vonë, Musk mohoi t'i kishte dhuruar një Cybertruck, Kadyrovit. Tani, komandanti cecen, akuzon CEO-n e Teslas dhe SpaceX se ka fikur nga distanca automjetin 200 mijë dollarësh pasi ai e dërgoi atë në luftë. Kadyrov tha në platformën ruse të mediave sociale Vkontakte: 'Elon Musk bëri një veprim të shëmtuar. Ai jep dhurata të shtrenjta nga zemra dhe më pas i fik ato nga distanca. Ju ndoshta ju kujtohet dhurata e tij, Cybertruck, të cilën ne e pajisëm me një mitraloz dhe e dërguam në zonën e luftës në Ukrainë. Makina u përball në mënyrë të përsosur me misionet luftarake. Manovronte shumë mirë dhe ofronte mbrojtje për ekuipazhin e saj. Por, kohët e fundit, Musk e ka fikur nga distanca Cybertruck-un. Kjo nuk është burrërore”, shkruan Kadyrov.