Perandoria e stërmadhe e Elon Musk, që përfshin gjithçka, nga automjetet elektrike dhe mediat sociale e deri tek raketat hapësinore dhe implantet e trurit, së shpejti mund ta bëjë atë trilionerin e parë në botë. Suksesi i biznesit të Musk e ka bërë atë një nga njerëzit me më shumë ndikim, dhe njëkohësisht edhe më të diskutueshëm, në botë. Bosi i Tesla-s është tashmë personi më i pasur në planet, me një pasuri të vlerësuar në afro 250 miliardë dollarë. Tani, Musk mund të bëhet trilioneri i parë në botë, një moment historik që Akademia Informa Connect thotë se ai është në rrugën e duhur për ta arritur deri në vitin 2027. Akademia vëren se pasuria neto e Musk është rritur me shpejtësi me një normë mesatare prej 110% në vit, duke e bërë atë "favoritin e qartë" për të arritur i pari në 1 trilion dollarë. Megjithatë, Musk përballet me konkurrencë. Rritja meteorike e Nvidia, kompania, çipat kompjuterikë të së cilës po fuqizojnë bumin e inteligjencës artificiale, mund ta bëjë Jensen Huang një trilioner në vitin 2028. Huang, CEO dhe bashkëthemelues i Nvidia, ka një vlerë neto prej 104 miliardë dollarësh, sipas Bloomberg. Miliarderi indian Gautam Adani është gjithashtu në rrugën e duhur për t'u bërë trilioner deri në vitin 2028. Nëse Musk do të arrijë i pari pragun e 1 trilion dollarëve, kjo do të varet kryesisht nga e ardhmja e suksesit të tij më të madh: Teslas. Prodhuesi i makinave elektrike i themeluar nga Musk, është bërë kompania më e vlefshme në botë, me një vlerë prej rreth 710 miliardë dollarësh. Nëse Tesla vazhdon të lulëzojë, ajo mund ta shtyjë pasurinë e Musk përtej 1 trilion dollarëve.