Elon Musk ka paralajmëruar se inteligjenca artificiale, nëse programohet nga njerëzit në lëvizjet ambjentaliste, mund të cojë në zhdukjen e njerëzimit. Duke u shfaqur në podkastin e komedianit Joe Rogan, ai tha se disa njerëz mund të përdorin teknologjinë për të mbrojtur planetin duke i dhënë fund jetës njerëzore. Ai foli para samitit për sigurinë e inteligjencës artificiale në britaninë e madhe, ku edhe do të takohet me kryeministrin Rishi Sunak. Shumë ekspertë ndërkohë, e kanë konsideruar një paralajmërim të tillë, të ekzagjeruar. Nick Clegg, president i cështjeve globale në kompaninë Meta dhe ish zëvendëskryeministër britanik, që do të marrë pjesë në samit, tha se ekziston rreziku i fokusimit të tepruar në atë se si inteligjenca artificiale do të jetë në të ardhmen duke injoruar problemet ekzistuese. Njerëzit nuk duhet të lejojnë që parashikimet spekulative e ndonjëherë futuristike të tërheqin vëmendjen nga sfidat më imediate – tha ai.