Paga rekord e shefit ekzekutiv të Teslas, Elon Musk, prej 56 miliardë dollarësh nuk do të mund të ekzekutohet, ka vendosur një gjykatës. Vendimi në gjykatën e Delauerit vjen pas disa muajsh përplasje ligjore dhe pavarësisht se u miratua nga aksionerët dhe drejtorët gjatë verës. Gjykatësja Kathaleen McCormick la në fuqi vendimin e saj të mëparshëm, në të cilin ajo argumentoi se anëtarët e bordit ishin shumë të ndikuar nga Musk. Duke reaguar ndaj vendimit, Musk shkroi në X: "Aksionerët duhet të kontrollojnë votat e kompanisë, jo gjyqtarët". Tesla u zotua se do ta apelojë vendimin, duke thënë se ishte "i gabuar". “Ky vendim, nëse nuk anulohet, do të thotë se gjyqtarët dhe avokatët e paditësve drejtojnë kompanitë e Delaëerit dhe jo pronarët e tyre të ligjshëm që janë aksionerët”, tha kompania e makinave elektrike në një postim në X. Gjykatësja McCormick tha se shuma e pagës do të ishte më e madhja ndonjëherë për bosin e një kompanie. Tesla nuk arriti të provonte se hifra ishte e drejtë, tha ajo.