Elon Musk duket se ka ndryshuar qasje lidhur me tarifat doganore, të vendosura nga Shtetet e Bashkuara të Amerikës ndaj Bashkimit Europian. Musk ka propozuar së fundmi që të ketë një zone të lirë ekonomike me tarifa zero për Bashkimin Europian. “Me tarifat, që në fund të ditës, unë shpresoj se është rënë dakord që si Evropa ashtu edhe Shtetet e Bashkuara të kalojnë në një situatë me tarifa zero, duke krijuar në mënyrë efektive një zonë të tregtisë së lirë midis Evropës dhe Amerikës së Veriut”, propozoi Musk. Këto komente sugjerojnë një ndryshim në pikëpamjet nga ato të Presidentit, për të cilin Musk ka qenë një këshilltar kryesor që nga janari dhe një kontribues i rëndësishëm i fushatës elektorale. Po ashtu ky ndryshim vjen në kohën kur si pasojë e tarifave të reja të vendosur nga SHBA, u regjistruan humbje të mëdha ekonomike.